| < [1] [2] 3 > [6] |
如果互相咬住一句還一句噉樣講咩，感覺上好似街市豬肉佬同賣魚婆炒蝦拆蟹嗌交噉 呢啲唔係乜咬住一句，一字 係你所講既「針對性回覆」。 我唔識點樣喺人哋篇文章度整一段說話出嚟作針對性答覆 | |
妖魔快又好，佛基又好，我認為討論問題要從全局概念嚟討論好喲，角度宏觀D，咁樣討論大家都舒服，都互相學 ... 其實係咪合你心意既觀點先係「宏觀」呢？ | |
民主嘅美國同共產中國各抒己見又有乜嘢後果呢？就係睇下對方有乜虛位趙佢囉，最後睇下邊個食咗對方囉，唔通傾到佢合意嘅共識出嚟咩？ 我就見國際間談判，多數都係要各退一步， 雙嬴既。唔會只得一邊擸哂啲好野離檯。 除非係征服者同被征服者間，才無價講。 | |
如果互相咬住一句還一句噉樣講咩，感覺上好似街市豬肉佬同賣魚婆炒蝦拆蟹嗌交噉，大家勞氣兼冇得益，仲畀旁觀者笑添。 找個機會又講講耶穌。 論壇上的爭拗， 社會上的爭拗。。使我聯想起經上巴貝耳塔的故事。 巴貝耳塔的故事， 雖然在經上只是短短的九句， 卻說出人性。 正如你， 我。。。大家都在說中文， 廣東話， 宗教信仰也接近， 有時都不能溝通似的。 你誤會我的話， 我誤會你的話， 何況是說不同的語言？ 深層一點，人與人之間的意見， 永遠都有分歧。 合一， 大同。。。這些美事 原來一早， 在史前， 就給上主收回了。人無法得到。 | |
你講嘅呢樣嘢，亦都係呢輪我諗嘅問題。佢困擾咗我好耐，《羅馬書》13章，講掌權者都係天主慨僕役，不會無故帶劍，反抗權柄嘅人就係自取處罰，噉我哋係咪應該絕對服從共產黨服從金仔、希特拉、波爾布特、烏干達亞明總統、張獻忠皇帝、洪秀全皇帝……暫時未諗到一個令自己信服嘅答案，呢幾日開始祈禱問耶穌 ，但佢未必一定即刻答我。點都好，我相信世界所發生嘅一切都係天主嘅一盤棋，就好似當年利用亞述巴比倫羅馬黎教訓以色列一樣。 不過我有一個邏輯性嘅問題諗唔明：如果簡單化噉將目前嘅形勢，分成愛國陣營同反共陣營（雖然噉樣分唔正確），如果反共陣營贏咗（譬如有真普選），外國陣營想要嘅嘢，會保留唔會失去（除非佢哋真係想一國一制），但係如果愛國陣營贏咗，反共陣營想保留嘅一貫嘅生活方式就會去如黃鶴，噉愛國陣營究竟驚乜嘢呢？ 我之所以推薦《動物農莊》，係因爲我相信如無意外，最終都會係拿破崙勝利，不過從來冇跟佢叫過“四隻腳行路係好人，兩隻腳行路係壞人”，因爲我知道佢最後都會用兩隻腳行路。 雖然我好鍾意關心政治，但係都係儘量將眼光放係天主耶穌度好啲，因為成局棋係由佢掌控。 | |
逃出魔幻紀 發表於 2019/6/22 16:48 經上智慧篇第6章, 也說『請掌權者研究智慧』, 大前提也是帶劍有權柄的都是行天主的路, 是「天主慨僕役」。 金仔、希特拉、波爾布特、烏干達亞明總統、張獻忠皇帝、洪秀全皇帝唔係以天主既愛嚟管治人民啵。 所以， 佢地既權柄便被取替， 廢掉罷， 正如經上以達味取替了撒烏爾。 擺番落今日既送中問題上， 支持將犯罪者送回原地服法， 唔見得是甚麼違背良知， 反上主心意的事。 | |
逃出魔幻紀 發表於 2019/6/22 16:48 擺番落今日既送中問題上， 我都會比喻。 我個女曾得嚴重肺炎， 住院時要用一隻幾勁既抗生素。 我老婆就懶有醫學知識同遠見咁問個兒科醫生： 哇。。。。啲抗生素係咪會有副作用既呢？ 個兒科醫生話： 係。有可能。 不過， 有副作用出咗嚟先搞哩， 目前， 你個女既身體係需要抗生素去醫理。 你話堅持因為怕有副作用而唔用抗生素啱， 還是兒科醫生講得啱？ 逃犯條例。。。係會有副作用卦。 係咪要驚得咁緊要， 驚到走火入魔 | |
我唔係講緊送中，我係講緊導致送事件嘅根本背後原因，正如倪匡所講：“言論自由係一切自由之母。” | |
回覆 beebeechan 哦..... 咁係咪呢個星期香港發生既事, 逃犯條例...只係借口, 導火線... 啲人係反『事件嘅根本背後原因』, 若果係為咁, 根本同逃犯條例無關囉.......亞潘小姐更加沉冤難雪 (鬼叫你係唔啱政治氣候下俾人謀殺, 你唔好采) | |
回覆 beebeechan 你覺得香港依家言論好無自由咩? | |
回覆 beebeechan 其實, 將逃犯條例就等如『送中』 呢個已經係有扭曲法例既精神, 原意, 有失真既成份哩 | |
| |
回覆 beebeechan 希特拉、波爾布特、烏干達亞明總統、張獻忠皇帝、洪秀全皇帝, 仲有ISIS... 呢啲在人歷史上, 都只是曇花一現既政權嚟, 幾年, 十年便玩完 (你都唔好話唔係上主的手做了事囉) 金仔, 就唔知仲可以玩幾耐勒 | |
希特拉、波爾布特、烏干達亞明總統、張獻忠皇帝、洪秀全皇帝, 仲有ISIS... 噉列寧斯大林毛澤東又幾多年？佢嘅統治期內嘅非正常死亡人數可能分別都多過上邊嗰堆皇帝嘅殺人總和。再介紹你睇一本書：吳思著 - 《血酬定律》，好正！佢寫嘅《潛規則》同埋呢本書，曾經係我最鍾意嘅書，而家呢個位置已經被《聖經》取代。 | |
噉列寧斯大林毛澤東又幾多年？ 咁今日既大陸, 蘇聯......仲係咪行緊列寧斯大林毛澤東既路線呢? 今日列寧復活翻生, 都唔會話中國係共產國家嚟哩 所以，你既〖動物農莊〗，係有啲過咗時 | |
你覺得香港依家言論好無自由咩? 其他人嘅感覺我唔講，就我自己嚟講，我呢幾十年鍾意睇嘅報紙有好多張：包括明報信報成報東方日報蘋果報甚至以前香港時報我都睇，因為各種報紙暢所欲言各適其適，而家？！得返一張堅持自己立場嘅報紙，畀宇宙強大勢力撚到得返細半條命仲喺度堅持，其他全部變曬化咗妝嘅文匯大公。 其實現今情況亦都係大自然嘅心態嗻，冇乜奇怪，一切事情可以用“搵食”兩個字解釋，雖然噉樣講侮辱咗唔少真係有理想為大眾嘅人，林鄭同埋一班官員盧偉聰之類為咗人工長糧兼日後政協中央官職聯合國官職，立法會議員為選票，當然保皇黨議員選票來自阿爺，梗係要擦鞋啦，商人同埋比較穩定嘅打工仔梗係希望社會安和諧唔好阻住搵食養家供樓供鋪, 每級警察都希望喺自己屬下面前立威，並喺上級面前立功以便升職加薪前途無限, 後生仔包括高登仔連燈仔想保護嘅只係佢哋高登連登式嘅生存空間, 以上所講嘅係基本人群, 其它懷著各種理想包括坐輪椅企起身聽唱國歌嘅抗日阿婆我就唔講喇。 | |
咁今日既大陸, 蘇聯......仲係咪行緊列寧斯大林毛澤東既路線呢? 過唔過時，你睇咗先啦，然後從左中右再研究下中國呢70年嘅歷史，然後再對照下香港呢21年發生嘅每件事幹，可能覺得本書講得幾盞鬼呢，可以再對比下書中角色同而家香港每種人/人群，非常有趣。如果有時間可以睇埋《1984》，不過冇《動物農莊》咁生鬼。 | |
請好好珍惜現有僅餘的。 | |
過唔過時，你睇咗先啦，然後從左中右再研究下中國呢70年嘅歷史，然後再對照下香港呢21年發生嘅每件事幹，可能覺得本書講得幾盞鬼呢，可以再對比下書中角色同而家香港每種人/人群，非常有趣 呢個, 有待你具體地, 用書中既內容對比下香港呢21年發生嘅每件事幹, 同大家講下『盞鬼』「有趣」既地方係邊到. 唔好淨係叫人『你睇咗本書就知道』 正如反基睇聖經 你睇聖經, 同一本書, 都會睇出唔同野既 | |
談起言論自由，之前本網畀祖國封鎖，我以為是容許太多談keyword的言論。作為網站admin，我需要考慮的是，面 ... 咁查實係現在祖國鎖少咗, 空間大咗丫, 定係你跪低咗? |
| < [1] [2] 3 > [6] |
