| < [1] [2] 3 > [4] |
原帖由 Jom 於 2008-2-24 15:54 發表 係囉係囉， 偏偏就係有人唔明囉．哈哈哈哈．．．．．  | |
原帖由 Guest from 219.79.41.x 於 2008-2-25 00:32 發表 有無聽過不招人妒是庸才，人地都係俾面這種人姐先咁樣罵這種人姐，人地已經好睇得起這種人了(需知道佢咁用心鬧人都好哂氣力) 只不過這種人太高傲自大才惹人地討厭，並不係單單佢有米或者有才能姐 人地唔係低能，只不過係睇唔開姐  | |
新年快樂~ 呢度多0左好多無業遊民~~ 真係要麻煩版主了~~ 原帖由 prussianz 於 2008-2-25 05:52 發表 | |
1. 無人再願意做清潔(掃街，執垃圾)、耕田之類比人睇唔起的工作 試問如果沒有低下階層為你地有錢人服務，你地點會有得食有得享受清潔環境?? 唔該你地有錢人睇唔起賺唔到大錢的人同時，諗下佢地都有為你地付出過，而你地淨係識得嘲笑人地無錢，睇唔起人地窮，你地班有錢人麻煩又唔該你地反省下啦  | |
1.做清潔同農業既唔一定係窮人,甚至有唔少係發到豬頭咁而無人知. 2.而家唔係嘲笑佢地,而係想佢地唔好自傷自憐啫.呢個社會就係有唔少你呢類佢地咁可憐,我地俾多少少支援佢地啦.以前香港無乜公援福利可言,但個社會就好有生命力,因為好似你話一樣,無人係有能力之下願去做一d又辛苦搵錢又唔多既工種.如果你年紀係三十過外既,你就會知道早二十年前以前,香港重有好多工業既時候,就係香港最繁榮,社會最有生命力既時候.因為果個時候重有好多草根階層,呢一班草根階層好多都係從事工業既生產.甚至唔少殘障人仕亦投身工作而唔係去庇護工場.佢地一樣俾人歧視,一樣俾人侮辱;但佢地又係一個一個咁捱過去,到佢地有能力自給自足既時候,邊度重有人會俾多餘既白眼佢地呀?人地點睇你,社會點睇你係唔重要既,重要既係佢地自己有無莊敬自強既心同行動.有心無力既咪諗吓囉,係呀,唔夠勁就係要搏架啦.一日打兩三份工,自己由小學夜校讀上去,三四十歲先大學畢業既,你知唔知有幾多人係咁呀?點解而家唔得呀?我都係果句,你一日未做到,一日都有可能俾人睇唔起.但一日到黑剩係得個講字,呢類人我唔會睇唔起,係睇唔到囉. 3.呢個世界係無免費既午餐既,佢地唔係義工,要出糧架.出得多與少,咪視乎能力囉.佢地付出過既,有無得到回報先? 4.我眼見呢個post入面無人睇唔起過窮人,亦有唔少本身都係窮人,包括我在內.但我自問我窮我既事,並唔需要社會對我有乜眷顧,亦唔需要人同情.你扶我一把我好開心,唔幫我既我亦無話可說.生命係自己既,點解要等人施捨包容先可以生存呀? 5.你講話有人睇唔起窮人,我無反對亦唔鍾意呢類人.但俾人話果個有無反省過自身既貧窮係因為而黎既呢?出身唔好?自己有無努力過先?係介意人點睇之前,有無先做好自己,天天進步呀?如果無既,唔該諗清楚:人睇唔起你有時未必係因為你既貧窮,而係你既態度.一句好醜命生成,就一日到黑怨天尤人.你睇吓幾多新移民,一落到黎香港就同個大自己幾十年既老公攞公援,生埋一班本來就係能力以外既細路.咁又一句我條命唔好,嫁錯人咁呀?窮人有好多種,窮得黎自重自強既,睇唔起佢地既人唔少但欣賞佢地既人就更多. | |
原帖由 Jom 於 2008-2-24 15:54 發表 我唔認同你依句「技不如人，死不足惜」，你知唔知有好多不幸的人(身體傷殘、長期患病，嚴重精神病等等的不幸)，每天都在庇護工場做野，人工都係雞碎咁多，你竟然講那麼殘忍的說話，你知唔知你比好多人幸運，你身體健康，當然不會明白有此不幸的人的心情，如果你肯花少少時間去庇護工場了解佢地，佢地不是白白收人工架，但都係賺唔到大錢，為什麼你可以講咁殘忍的說話，萬一你大吉利是你有意外殘廢左，你會希望人地給你的說話是"技不如人，死不足惜"嗎?? 得罪講一句，你大吉利是真係殘癈左，請為你講依句"技不如人，死不足惜"而後悔你當初講咁殘忍不人道的說話 | |
原帖由 Guest from 210.177.23.x 於 2008-2-25 18:21 發表 當我聽到這句「技不如人，死不足惜」，我替這些遭遇不幸的人難過。為什麼這些人完全不會憐憫不幸的人?? 有錢有什麼了不起?? 我不羨慕富貴人家，因為他的心地太差了，越有錢越沒有寬容之心，為什麼上天不去懲罰這些沒有同情心的人呢? | |
第二,唔係我殘忍,係個世界殘忍;你試睇吓如果你係傷健人仕,入到去個森林度,睇吓可唔可以用隻跛咗既腳去同獅子老虎講數?我無意去踐踏任何傷健人仕,但我成長既日好入面,眼見過唔少人身體有缺憾都一樣要去搵食.無人會特登去同情佢地,佢地亦自己搵自己食,唔需要人去同情.唔好講香港,你有無聽過柬埔寨?你知唔知佢地國家既傷殘比例超過6%?長期病患既話,有無聽過湖南既愛滋村呀?嚴重精神病患同弱智人仕,你知唔知世界上最少有三千萬人每日都係神志清醒同神志不清之間徘徊?如果話我幸福,香港既傷健人仕亦唔差得去邊.霍金都係嚴重傷殘,佢都有大條道理放棄,但佢明白到佢有更多既野可以做.係香港,如果一個傷健人仕有志於各方面既發展,政府資源係好有限,但並唔等於零.大把人幸福過自己,大把人又不幸過自己,點解唔將生命中既唔公平化為力量呢? 第三,如果個topic set做"對社會不公平既控訴",我一早就會list埋呢類傷健人仕同老人入去個pool到.但而家講緊既係財富資源分配既唔公平,你到底知道個post講緊乜未? 最後,我唔怕話過個案俾你知.呢個網入面,有位兄弟身患怪病,每日都抬住個計時炸燀咁,唔知幾時大限將至,返工又久不久要請假,身體支持唔到.有段時間將所有時間放晒落去一d無乜意義既寄託上面,正式話頭係等死.有一次我地出黎食野,佢俾人好狠咁媽咗佢一餐,大概係話佢一日未死,無論情況幾惡劣,佢都要繼續做人,最少做個盡晒全力既人,最少對自己都有個交待.果次之後,佢清醒咗好多,最少佢肯放低個心理包袱,一份工做唔長,搵第二份;七千搵唔到就搵六千,六千唔得既五千五都殺,無話因為咁而放棄過.屋企人對佢唔體諒,其他人睇佢唔起,佢唔開心收埋,變成一種推進力.年多之後再見番佢,怪病依然無好,但佢己經可以有一份穩定既工作同照顧到自己.我問佢份工開唔開心,佢就答我:有糧出就得啦,話之佢. 呢個post一開波講既係有d人唔同情低收入既人,唔係傷殘與否.但你咁講到,我亦無妨加埋落去.香港既福利制度根本就應該只係留番傷殘(包括長期病患,嚴重精神病),孤兒同老人果一part,其餘所有公援都應該取消,將資源集中. 你話我唔人道,我唔反對,要係世上生存本來就係一件唔會人道既事.開善堂,都要有個底先可以開到;要同情人,等你有能力去解決佢地既問題先再講吧啦.不問情由,唔顧現實咁一味施以同情,咁唔係好心,係叫做好心做壞事. | |
原帖由 天煞孤星 於 2008-2-25 19:24 發表 星女,你睇清楚個之前個post講乜先同佢癲啦 | |
原帖由 Jom 於 2008-2-25 19:33 發表 我只係身歷其境，先有這種感慨姐，我都是個精神病患者，我知道要人地企得返起身並非易事，點解你不去鼓勵他們重新振作，而係落井下石呢?? 我知道完全不肯付出努力就係死路一條，我都想重新振作，不過呢，並非易事，你未試過，可能你未必明白未必能夠體會這種情況，你試過當你付出了很多很多，到頭來比人罵我乜都攬哂上身，攪到你很灰很灰嗎?? 我就是這樣才有這種妄想症，你知唔知我用幾多時間去克服而擺脫自殺的念頭??? 我不是博同情，只是聽你講左一句死不足惜，我感到難過罷了 | |
我都知你個case,但你既康復過程當中,去到最後可以真係幫到你自己既人唔係自己又係邊個吖.到你好返,回頭望返現實生活,呢句說話既難聽之處係因為佢太真實,真實到幾乎無人走得甩. 唔係話唔應該有同情心,只係太多既同情心,有時幫到唔到人之餘重會俾咗個位人自己自傷自憐.咁又點叫做幫到人呢? | |
原帖由 Jom 於 2008-2-25 19:55 發表 你有你的道理，只不過如果沒有其他人的關懷，通常病人都不能重新振作，關懷人地不是單靠講字，而係和病人一起並肩作戰，這對病人有幫助，當然不是一味有同情心就能幫人，至少給病人知道，你是有支持過他的，已很足夠，人不是獨居動物而是群體動物，朋友的支持對病人來說是非常之重要，雖然最終只能靠自己，不過沒有其他人的關懷是很難有力量的 | |
原帖由 Jom 於 2008-2-25 19:31 發表 呢個post一開波講既係有d人唔同情低收入既人,唔係傷殘與否.但你咁講到,我亦無妨加埋落去.香港既福利制度根本就應該只係留番傷殘(包括長期病患,嚴重精神病),孤兒同老人果一part,其餘所有公援都應該取消,將資源集中. 直頭係啦！有ｄ人偏偏攤大隻手問政府要錢！呢ｄ簡直同廢人冇分別． 病都有好多種既．係唔係病到唔行得唔食得唔訓得先？唔係嚴重既就唔好扮嚴重，可以好返既就唔好扮未好返．病都可以病得好堅強．阿樓主可以時時用電腦鬧人地睇佢唔起，即係唔係好病啦！起碼仲有精神打電腦呀！起碼仲有好多回覆喎！呢ｄ就叫做”扮”病啦 ！ | |
原帖由 Jom 於 2008-2-25 15:48 發表 窮人有好多種,窮得黎自重自強既,睇唔起佢地既人唔少但欣賞佢地既人就更多. 呢句真係好岩．窮得有骨氣既，自然受人尊重．又窮又懶既，仲要騙綜援既，點可能睇得起你呀？？？？？ | |
原帖由 天煞孤星 於 2008-2-25 19:24 發表 hi greeting good morning i do not know Jom , but , i'm confident that , Jom 不歧视人 , he has no such need , i'm confident that , Jom 只是指出世界的現實 , please 放心  [ 本帖最後由 prussianz 於 2008-3-1 03:51 編輯 ] | |
我未婚夫而家唔係香港呀!::   | |
一個心智正常o既成年人，應該好清楚咁知道，有邊D言論、觀點，即使自己係幾咁真心誠意係認為正確，都只適宜響私下聚會時講，而唔會響一個公眾場合，例如每個人都可以click上黎o既論壇區度講。唔係唔講得，而係，你一講，就只係等如侮辱緊自己o既人格。 你可以真心誠意地認為窮人係冇用，係死不足惜，但係當你響公眾場合咁講，就只等如響公眾場合，大大聲用好粗鄙、污穢o既言詞黎形容女性性器官。係，你用一個網名，冇頭像或者只係用個公仔頭像，冇人知道真正o既你係邊個；但係，咁樣就變為侮辱閣下o既專業人士形象，或者係侮辱o左"離教者"，甚至"反耶教者"。 當然，正所謂"拜得神多自有神庇佑，X得人多自有人詛咒"，相信從呢幾日o既回帖，大家都知道乜事。 大家毋需引用我呢篇回帖黎回覆，因為呢個回帖，真係純粹回應我一個網友要求，我個人並唔想踏足呢度半步。即使引用黎回應，我都唔會作出反擊或者附和式回應。 | |
| |
原帖由 酒井明 於 2008-2-29 22:20 發表 呢個網友到底居心何在 ? 自己唔寫，要人出手，呢位網友唔見得光呀？？？ 呢度原來咁無聊．．．．．． | |
原帖由 隨處發瘋 於 2008-2-29 20:27 發表 你大鑊啦．．．呢張女明星相陳生有版權！佢已經報左海關，我去告發你！ |
| < [1] [2] 3 > [4] |
