諗唔到

原帖由 weakest 於 2008-3-19 16:26 發表
雖然係啫, 但係俾沙老大你當眾話我戇居, 我好hurt....

我<--------深受打擊的離教者...

原帖由 沙文 於 2008-3-20 03:48 發表
而家係您一個唔服啫，難以成「眾」喎。
而本網理念，除咗您之外，的確係個個都可以違反 -- 我又冇同您開過會，宣誓「我，沙文，捍衛本網理念。」而您，又冇話違反咗會點樣處置，咁，我違反咗，您都吹我唔脹喎？

而我之所以違反，係因為我有一個比本網理念更崇高嘅理念 -- 勸阻未入教者。
離教者雖已離教，但其從前入教的行為始終都係唔啱，這一點是不容否認亦無須逃避，是要面對的。指出其唔啱，乃是愛之深，責之切；唔通昧著良心話「您以前入教是一個很醒目的行動」才是支持離教者lu喎？
即係咁計，對於一個不再採花的採花賊，吾人仍然要指出其從前的採花行為是不對的，咁樣，對社會、對國家、對廣大人民、對祖宗、對皇天后土、對世道人心，才有積極意義，其他人因我咁樣話啲採花賊，如有意欲採花者，就自會三思矣。

所以，我有冇hurt小弱雞呢？有，我係為咗一個比本網的理念更崇高、更偉大的理念，忍痛而為之嘅！
點解我要咁做呢？為的就是要補本網理念之不足，唔客氣講，本網理念係先天性跛腳嘅，佢只能消極地等待人離教，若無人離教，則本網無事可為，而大秦景教依舊屹立不倒或苟延殘喘。
人離得教，多少都已有一點覺悟，您安慰佢、支持佢，都不過是錦上添花。比之高一等的層次，係勸人離教；再高一層次係勸人莫要入教。

我將目標定在此二者之內，我以我血薦軒轅。