裕美連聲否認，但噚晚(14號)有讀者爆料，指裕美老公Jason身邊啲朋友都睇唔過眼，因為喺大家眼中，Jason都係一個好男人，又好愛老婆，凡親老婆有活動，Jason都會請假支持老婆。 報料者又指，查實呢件事發生咗，Jason因為唔想家人因為咁而更加討厭個老婆，所以一直都冇同屋企人講，剩係同身邊朋友呻。但係紙亦包唔住火，Jason已經搬咗返去自己屋企，據知亦差唔多有半年左右。 雖然裕美已經有新歡黃子恆，但Jason原來仍未放棄。直到上個禮拜，Jason都仲有同啲教友講，仲想大家幫佢一齊祈禱，希望有個結果。報料者稱，Jason對老婆咁好，相信佢唔捨得離婚，係希望老婆返嚟，故此盡量爭取時間挽留女方，但係估唔到俾周刊影到裕美同黃子恆一齊，一切已經難以挽回；而裕美雖然未同Jason辦妥離婚手續，但就向傳媒稱已回復單身，令不少教友憤怒之餘，更為Jason不值。 報料者又指，裕美婚後仍keep住識新朋友，且與家底豐厚者特別有緣。湊巧黃子恆都係有家底之人，難怪能成為密友，更成日上黃子恆屋企，裕美亦直認：「我哋有共同朋友，我估應該唔多過三次(上男方屋企)。真係唔關佢事，佢好陰公，佢係好好藝人。」 http://hk.apple.nextmedia.com/enews/realtime/20160615/55228230 | |
| |
| |
由Pizza面驚變V煞面嘅人妻裕美，2013年與拍拖一年多的圈外男友林恩浩(Jason)閃婚，可惜婚姻僅維持短短兩年 ... 聽聞，陳冠希哥哥係08年就信佐耶酥啦，距信佐耶酥后，是否已經改邪歸正？ |
