請接受一個基督徒的道歉

逃出魔幻紀 2019/12/12 00:23

本人逃出魔幻紀，在本討論區與衆網友討論之過程中，因自己並無堅守耶穌基督頒下之「愛天主愛人」新誡命，放縱自己任性而為，將討論區喻為戯臺，對網友多番調侃，自鳴得意。今日反躬自省，忽覺自己在討論區上的有關發言，缺乏「愛」之動機，反而充滿驕傲自大、自私損人、低級趣味之元素。自知得罪了天主，冒犯了網友，可惡之極。現深感懊悔，謹誠心向哈佛專家、沙文、旁觀者、leefeng、龍井樹、以及其他曾被我惡意冒犯過的網友道歉，懇求各位原諒。今後我在討論區之發言，將謹守耶穌基督之新誡命而為，盡量避免重犯上述錯誤。

旁觀者 2019/12/12 00:35

閣下知錯向各人道歉，與極毒教徒有所不同，值得稱讚。但最「可惡之極」處，仍在「謹守耶穌基督之新誡命而為」。

哈佛專家 2019/12/12 05:10

你問下沙文兄先

逃出魔幻紀 2019/12/12 08:31

你問下沙文兄先
哈佛專家發表於 2019/12/12 05:10

問乜嘢？

哈佛專家 2019/12/12 08:36

問沙文接唔接受你道歉先，因為我都被你搞到有些莫名其妙。

逃出魔幻紀 2019/12/12 11:32

問沙文接唔接受你道歉先，因為我都被你搞到有些莫名其妙。
哈佛專家發表於 2019/12/12 08:36

我認為你莫名其妙嘅原因應該係你唔瞭解真正嘅耶穌，請參閲《馬爾穀福音》12:28-34：

有一個經師聽見了他們辯論，覺得耶穌對他們回答的好，便上前來，問他說：「一切誡命中，那一條是第一條呢？」
耶穌回答說：「第一條是：『以色列！你要聽！上主我們的天主是唯一的天主。
你應當全心、全靈、全意、全力愛上主，你的天主。』
第二條是：『你應當愛近人如你自己。』再沒有別的誡命比這兩條更大的了。」
那經師對耶穌說：「不錯，師傅說的實在對：他是唯一的，除他以外，再沒有別的：
應以全心、全意、全力愛他，並愛近人如自己，遠超過一切全燔祭和犧牲。」
耶穌見他回答的明智，便對他說：「你離天主的國不遠了。」從此，沒有人敢再問他。

我係根據耶穌嘅教導做好我嘅本分，人哋點樣對我，原唔原諒我，我控制唔到。每個人嘅作為同後果都係由佢自己內心造成，我係誠心向你哋道歉，唔代表我認同你嗰個與觀音同體嘅假耶穌同埋嗰啲鬼鬼怪怪嘅偶像，真耶穌同假耶穌絕對不可混為一談，否則就會搞到莫名其妙。

哈佛專家 2019/12/12 13:18

你的回答同樣令我感到莫名其妙。我認識的耶穌不是假耶穌，亦不是魔鬼假裝的耶穌。你可以不相信耶穌是觀世音菩薩的化身。但你不能否認我認識的真耶穌。我已經不需要耶穌，我只需要觀世音菩薩。我尊重耶穌基督，不等於我要皈依耶穌基督。我歡迎耶穌，但不歡迎天主。

耶穌的兩條新誡命，我早就知道了。但我的重點在於觀音和佛教，和耶穌無關。謝謝。

沙文 2019/12/12 13:39

回覆 5# 哈佛專家
此乃教徒之常情，根本無需道歉。
本網的教徒版友理屈詞窮就係會咁咖啦，顧左右而言他，言不及義、打諢插科、人身攻撃乜都齊，見慣曬啦，見怪不怪矣。

我捫心自問，若然我理屈詞窮時我都會係咁。但點解我一直都冇咁做呢？點解我一直能夠秉持以理服人、莊敬自強、嚴肅而認真地踏實討論網友們的議題呢？只因我堅持理性思考問題、智慧學貫中西。否則，我都會放飛自我、率性而為。既然係咁，晚生又焉敢將網友以大義責難呢？

逃出魔幻紀 2019/12/12 15:53

回覆哈佛專家
此乃教徒之常情，根本無需道歉。
本網的教徒版友理屈詞窮就係會咁咖啦，顧左右而言他，言 ...
沙文發表於 2019/12/12 13:39

你講得啱，我係用咗「顧左右而言他，言不及義、打諢插科、人身攻撃」等手段嚟討論問題，冒犯網友，有違耶穌「愛人如己」嘅教導，在此謹以真誠之意向被冒犯者道歉！然而，呢個過犯係態度問題，而唔係道理問題，絕對唔係理屈詞窮嘅表現。我會繼續以耶穌基督嘅新誡命為圭臬，去進行討論同發表意見。

哈佛專家 2019/12/12 15:56

我跟沙文一樣，認為樓主無須道歉。

沙文 2019/12/12 16:17

回覆 10# 哈佛專家

因為教徒本來就係咁, 我地冇理由因為人流露咗真性情而要佢道歉。
唔通好似佢跟住落泥咁, 隐藏佢真實態度、扮同您客氣先啱咩?

哈佛專家 2019/12/12 16:56

明白

抽刀斷水 2019/12/12 21:17

點解唔向我道歉？真係當我無到？

沙文 2019/12/12 21:34

鬼咩，您係都唔肯認反基，做乜L嘢要向您道歉？

逃出魔幻紀 2019/12/12 22:14

本帖最後由逃出魔幻紀於 2019/12/12 22:47 編輯

點解唔向我道歉？真係當我無到？
抽刀斷水發表於 2019/12/12 21:17

向你道咗歉喇！包括beebeechan同埋自覺受到我冒犯嘅其他網友，你仔細睇下我個貼啊。不過諗嚟諗去我都好似諗唔到對網主有任何惡意，不嬲都覺得網主好似一個斯文公正嘅班主任，我同班嘩鬼玩踢蘿柚，點敢踢埋班主任吖，不嬲都對你尊敬有加。

抽刀斷水 2019/12/13 10:38

不嬲都覺得網主好似一個斯文公正嘅班主任
逃出魔幻紀發表於 2019/12/12 22:14

我生平最欣賞誠實又敢言既小朋友架喇。

leefeng 2019/12/13 12:46

本人逃出魔幻紀，在本討論區與衆網友討論之過程中，因自己並無堅守耶穌基督頒下之「愛天主愛人」新誡命，放 ...
逃出魔幻紀發表於 2019/12/12 00:23

耶稣的代罪(道歉)方式是找人鞭打自己，托個幾百kg的木頭，或釘自己的十字架！
為表示你的誠意，你準備學習你的耶穌嘅教導，做那一樣呢？

beebeechan 2019/12/13 14:50

本版的非基仔佬，一見有個教徒話道歉，就一個二個飛撲出嚟，擺出一個咀臉：「對勒，係你錯哂，我無錯！」完全睇唔到自己講野都有挑釁嗅咀的一面。比起那個天主教徒能自省自咨，馬上矮了成個碼。

逃出魔幻紀 2019/12/13 17:41

本版的非基仔佬，一見有個教徒話道歉，就一個二個飛撲出嚟，擺出一個咀臉：「對勒，係你錯哂，我無錯！」完 ...
beebeechan 發表於 2019/12/13 14:50

噉又冇話邊個高咗矮咗，得罪講句，除咗耶穌同聖母，呢個世界冇個好人。我成日都啱啱同呢個道完歉又即刻鬼拍後尾枕去得罪第二個；經常喺告解室出嚟都未返到屋企，身口意已經又再犯罪。自己都覺得自己好可惡，好似leefeng話齋，好想攞條鞭黎鞭自己，而且釘自己喺十字架。其實已經釘咗喇，聖保祿對基督徒講：「因為我們知道，我們的舊人已與他同釘在十字架上了，使那屬罪惡的自我消逝，好叫我們不再作罪惡的奴隸，因為已死的人，便脫離了罪惡」（《羅馬書》6:6-8），點知自己忍唔住又從十字架上躝返落嚟作惡；亦都學leefeng講噉樣，孭起咗幾百kg嘅十字架，因為耶穌講「誰若願意跟隨我，該棄絕自己，背著自己的十字架來跟隨我」（瑪16:24），但其實呢個十字架嘅重量，遠遠超過幾百kg，唔願意孭嘅人應該體會唔到呢個重量。

沙文 2019/12/13 18:01

回覆 18# beebeechan
最衰我詩禮傳家完全冇試過挑釁嗅咀, 不能参予這個道歉盛舉

beebeechan 2019/12/13 19:19

回覆 beebeechan
最衰我詩禮傳家
沙文 2019/12/13 18:01 提交

有冇打錯字？
係失禮全家

1 [2] [3] > [15]

返回首頁 | 登錄 | 註冊