第1035期壹週刊 2010年01月07日 今個聖誕元旦，除咗紅館睇 Sammi，去 party更加係指定動作。八珍有晚路過灣仔君悅酒店，撞正梁錦松同老婆伏明霞去完 party攞車走，同行仲有下個月就滿七歲嘅長女梁司渝。 前財爺同跳水皇后呢段忘年戀，足足相差廿六年有多，不過，做咗梁太唔夠八年，伏明霞幫老公生咗一女兩子，身形亦由當年 fit到漏變成吹脹人球，但面上就雕咗幸福兩個字，足證年齡代溝不足為患。 聖誕前，一條心嘅梁生梁太仲同日受埋浸禮，正式同 Sammi成為港福堂弟兄姊妹。講耶穌又好，唸佛茹素又好，只要同一方向，話之大廿六年，卅六年，都冇有怕。 等車期間，梁錦松拖住大女司渝雙手。 梁錦松做司機，老婆伏明霞同囡囡坐後座，安全家庭駕駛。 上個月初，梁錦松同伏明霞同日受浸，趕及在聖誕前成為基督徒。 撰文︰八珍 mailto:[email protected] | |
| |
|