有辭典收錄了「離教者」

< [1] 2

沙文 2026/6/14 14:29

呢尐咪就係基督教霸權咯，點解佛聯會要話明係佛教，教會就唔駛？離教就係基香教，都係從語言習慣偷雞植入霸權。

抽刀斷水 2026/6/14 14:33

離佛教、離道教既人相對較少丫嘛。

P.S. 你近排咁多錯字既？對眼老花？定係轉咗手寫輸入？

沙文 2026/6/14 14:38

肯定係耶佬講先，然後啲人就不自覺地跟住咁講，最終成就咗這種偷雞語言霸權。
即如聖誕咁，唔話明你都華山聖母寶誕就係耶穌誕，大家唔覺唔覺結果就被耶佬牽著鼻子走，聖誕就被騎劫了。你仲輕描淡寫什麽語言習慣

沙文 2026/6/14 14:46

手寫。
咁飲熱咖啡嘅人係咪多過凍咖啡？點解入去starbucks叫杯coffee, 要講明ice coffee先會畀凍啡？煮啡就冇人會講hot coffee

beebeechan 2026/6/14 23:20

手寫。
咁飲熱咖啡嘅人係咪多過凍咖啡？點解入去starbucks叫杯coffee, 要講明ice coffee先會畀凍啡？煮啡就 ...
沙文發表於 2026/6/14 14:46

咖啡豆要用熱水先沖出咖啡味，呢個叫『預設狀態』。你想飲凍嘅，人哋要幫你將杯嘢由熱變凍，仲要加冰（Ice），呢個叫『加工』

beebeechan 2026/6/14 23:58

肯定係耶佬講先，然後啲人就不自覺地跟住咁講，最終成就咗這種偷雞語言霸權。
即如聖誕咁，唔話明你都華山 ...
沙文發表於 2026/6/14 14:38

咁唔叫聖誕節, 叫「12月25日由基督教主導但市民普遍淨係care放假消費嘅那個節日」？講完都天黑啦。

沙文 2026/6/15 00:34

我阿嫲都叻過你, 我僆仔嗰陣聽佢係叫耶穌誕㗎

beebeechan 2026/6/15 01:21

本帖最後由 beebeechan 於 2026/6/15 10:52 編輯

我阿嫲都叻過你, 我僆仔嗰陣聽佢係叫耶穌誕㗎
沙文發表於 2026/6/15 00:34

你用阿嫲幾十年前嘅叫法來駁現代語言習慣，真係同阿嫲一樣咁有歷史過期感。

做廣告既人, 例如黃霑叔都教過, 簡單易上口就係好。
兩個字既「聖誕」點都順口過「耶穌誕」..
唔通叫「救世主誕」「「天主子誕」咩....有啲甩咳

抽刀斷水 2026/6/15 10:10

台灣人叫耶誕，簡單易明不混淆，值得參考。

beebeechan 2026/6/15 21:35

本帖最後由 beebeechan 於 2026/6/15 21:51 編輯

台灣人叫耶誕，簡單易明不混淆，值得參考。
抽刀斷水發表於 2026/6/15 10:10

1970年代台灣政府推行中華文化復興運動。當時官方認為中華文化中的「聖」字應專門留給孔子（文聖）或關羽（武聖）等本土聖人。
為了不讓西方宗教節日高過本土文化, 將「聖誕節」全面改稱為「耶誕節」。

沙文話齋, 「耶誕」是中華文化言語霸權的受逼害者。

不過, 近年中華文化也向西方讓路了:

「耶誕」都要起身讓座予「聖誕」

抽刀斷水 2026/6/16 12:10

回覆 31# beebeechan

你用聖誕就唔係霸權，無得用就係霸權，好似調轉咗講喎。

不如一齊聖誕啦，道教有好多架。

正月		初四王重陽祖師飛昇聖誕初九昊天玉皇上帝聖誕十五上元賜福天官聖誕十九邱長春祖師嶽降聖誕
二月		初一勾陳天皇大帝聖誕初二福德土地正神聖誕初三文昌帝君聖誕初四青松觀鎮壇師李志能祖師聖誕十五太上道祖天尊聖誕（道教節）十九慈航真人（觀音）聖誕
三月		初三真武玄天上帝（北帝）聖誕十八后土皇地祇聖誕廿三天后元君（媽祖）聖誕
四月		十四呂純陽祖師嶽降聖誕十五鍾離正陽祖師聖誕十八北極紫微大帝聖誕廿八藥王聖誕
五月		初一南極長生大帝聖誕十九上清靈寶天尊聖誕(夏至) 廿三青松觀鎮壇師黃碧羅祖師聖誕）
六月		初六青松觀鎮壇師白眉祖師聖誕十五王少陽祖師（東華教主）聖誕廿二青松觀鎮壇師黃玄憲祖師聖誕廿三火祖聖誕廿四王靈官聖誕關聖帝君聖誕九天應元雷聲普化天尊聖誕
七月		初一太上道祖天尊聖誕初九邱長春祖師飛昇聖誕十五中元赦罪地官聖誕
八月		初三九天司命灶君聖誕十五太陰皇君聖誕廿四青松觀至寶真君侯寶垣先師嶽降聖誕
九月		初一至初九北斗九皇真君聖誕初五呂純陽祖師飛昇聖誕初九斗姥元君聖誕
十月		初十青松觀至寶真君侯寶垣先師飛昇聖誕十一東極太乙救苦天尊聖誕廿七玉清元始天尊聖誕(冬至)
十一月		初五　玉清元始天尊聖誕(冬至) 初十　青松觀至寶真君侯寶垣先師飛昇聖誕十一　東極太乙救苦天尊聖誕
十二月		廿二王重陽祖師嶽降聖誕

beebeechan 2026/6/16 21:22

回覆 beebeechan

你用聖誕就唔係霸權，無得用就係霸權，好似調轉咗講喎。

不如一齊聖誕啦，道教有好多 ...
抽刀斷水發表於 2026/6/16 12:10

你數咗咁多個道教聖誕，但普通人連一個都唔知。
道教咁多『聖誕』，但偏偏大家一聽到『聖誕』只會諗起個白鬍子老人同紅底鹿車, 或者係耶穌個馬糟。

抽刀斷水 2026/6/17 00:35

普通人天后、關帝都識掛。

沙文 2026/6/17 09:13

回覆 32# 抽刀斷水

係呀, 所以1月嗰陣阿媽話”Daddy話今年聖誕同我哋去 Tokyo disneyland:” 都唔知佢係話二月初四、八月初三定係十月初十

< [1] 2

返回首頁 | 登錄 | 註冊