| < [1] 2 |
根據聖經記載，耶穌復活後同門徒在地上一齊生活咗40日，多次顯現俾不同門徒，有一次仲同時顯現俾500個門徒添，啲門徒就將有關經歷寫喺聖經中；但係復活後嘅耶穌從來冇顯現俾唔信佢而且殺佢嘅人見到，所以聖經話啲總督啊、守墳墓嘅士兵啊、猶太人經師啊，都話耶穌嘅屍體係俾佢嘅門徒偷走咗，呢個講法一直傳到如今。咁就值得諗吓啦： 1）耶穌點解唔顯現俾唔信佢兼殺佢嘅人見到？嚇吓佢哋唔過癮咩？或者嚇到佢哋改邪歸正唔好咩？點解呢？唔知係咪因為唔想將珍珠同寶物俾豬同狗呢？ 2）唔信耶穌兼殺耶穌嘅人見到咁多人話自己見過耶穌復活，聽到呢啲見證人講嘅事實，點解唔信？點解仲要繼續講耶穌嘅屍體俾人偷咗？ 一句講晒：雙方都各自揀好咗自己嘅方向，彼此完全唔啱嘴型。呢種情況一直維持到依家都冇變過。 |
| < [1] 2 |