| < [1] [2] 3 > [4] |
係囉， 黃藍嘅嘢比較好講的，要講到溝埋變綠色和平唔係冇可能，但係好艱難，事百倍而工甚微，所以，好似無謂嘥心機，打係最有效嘅方法。事實上亦都係噉，如果唔係美國佬出聲，老解應該一早打咗，天下已經太平。 對待政治問題，我通常習慣首先瞭解成件事嘅底蘊，再根據啱自己立場嘅學術理論，再配合歷史同埋事件中主角配角等人物嘅性格，去作出判斷。黃衫黑衫人係咪全部都噉樣理智分析我唔知，但佢哋目標肯定好明確：唔想香港變new薑東厰，嗰啲跳樓自殺嘅人令我諗起當年美軍攻佔沖繩時跳崖自殺嘅婦孺。白衫人大部分要求安定團结，情願冇民主唔想無飯食，有冇人真喺好想喺香港實現共產主義我唔知，不過圍村白衫佬肯定冇，佢哋只為錢。根據歷史經驗，呢班白衫佬鄉紳土豪喺一國一制之後會被拉去打靶（唔睇歷史書可以睇電影，譬如葛優嘅《活著》）。因為藍衫白衫普遍無明確嘅理想，所以先至會出現肥媽喊到收唔到聲噉講“我讀得書少，你哋啲大人物出嚟講下嘢啦，唔好兄弟姊妹互相打交……”，佢到而家都未知發生緊乜嘢事。 呢個問題講開手尾長，要令到Maria Codero明白發生緊乜嘢事，係一件相當艱難嘅事。我曾經喺呢度勸過一個五毛睇兩部書：涅恰耶夫嘅《革命者手冊》，同埋馬克思、恩格斯嘅《共產黨宣言》，我覺得呢兩本書係理解目前香港局勢嘅ABC入門基礎讀本。 深奧嘢唔想講太多，勞氣兼冇效果，喺呢度舉兩個簡單嘅例子嚟支持我嘅觀點：1）艾未未《香港的抗爭能贏嗎？》；2）葉劉係一個撐警集會度發言講：我喺英國住過兩年，喺美國住過四年，感覺到係外國係冇人會錫你架！ 我對呢兩單嘢嘅感覺：1）艾未未同佢文章中所講嘅人嘅經歷，我都略為經歷過（我踎過大陸嘅監），佢講嘅嘢我認為係真實嘅。2）葉劉嘅經歷我亦都經歷過，我喺日本住過兩年，雖然唔係英美，但同屬民主先進國家，我嘅外國生活感受同佢完全唔同，冇話錫唔錫嘅問題，民主國家一視同仁依法辦事，你係乜嘢身份就可以攞到呢個身份應有嘅福利，唔會有任何差別。我唔知葉劉講嘅錫係乜嘢意思，你唔投入外國嘅社區文化唔單止，唔通反而仲要求外國政府因應少數族裔嘅習慣，逢年過節俾啲蛇齋餅粽你？ 以上兩個例子可以睇到：黃絲有明確嘅政治同個人自由意向選擇，藍斯則比較偏重感性及個人利益。 作為基督徒，我而家都比較抽離少少嚟睇呢啲問題，7-21我著住黑衫從維園行到中環，只係叫過“香港人加油”，其他嗰啲“林鄭收皮”、“祇有暴政，沒有暴徒”嗰啲，我一句都冇叫過。 | |
| |
我揀教會嘅時候同你有啲相似，覺得天主教比較內斂，比較適合曾經鍾意佛教嘅我，而且，因爲我係一個鍾意玩古董嘅人，揀天主教就唔使銷毀屋企啲古董佛像同佛畫。點知受洗之後，自己漸漸將啲各朝代佛像佛畫包括宮廷造辦處製品，全部收落床下底，有個神父話呢啲係文化，擺嚟欣賞唔係供奉就冇問題，但係我打算搵另一個支持我嘅神父幫我做個儀式，將呢批嘢全部燒燬。 我喺探索過程中，一路儘量跟聖神行，而唔係跟世間欲念行。雖然我對天主教某d位唔係好認同，但呢個教會始終都係我最鍾意嘅靈修平臺，尤其係我最愛嘅聖體，我每日都去朝拜聖體同耶穌傾偈。 | |
我個人受早期基督和佛教的影響比較大，尤其是受佛教的影響更深。亦因為受佛教的影響，所以我未有加入天主教或基督教。 我個人在選擇天主教或基督教時，有自己的偏好： 40%天主教，30%路德系(包括路德會及信義會等)，30%UCC (United Church of Christ)的自由主義神學。我亦注意自由主義神學。 我個人不覺得天主教基督教在和其他宗教一起祈禱有什麼不妥，因為大家都是天人合一的。而且，佛教及道教也很殊勝。我個人比較不喜歡伊斯蘭教。 耶穌禱文 主耶穌基督，神的兒子，請慈憫我這罪人！ The Prayer of Jesus Lord Jesus Christ, Son of God, have mercy on me, a sinner. | |
剛才弄清楚，我是比較執著民主自由，而不是比較執著耶穌，險些走火入魔。我真的不適合講民主自由。而我相信我也不太適合信耶穌。我比較適合信佛教。 我個人認為，印度教也很殊勝。那位由印度教轉入基督教的女士可能有她的因緣。個人是不予置評。 -------------------------------------------------- 不得了。好像還真的執著：信耶穌基督，得民主自由。 | |
| |
我覺得教宗同其他包括佛教道教伊斯蘭教嘅領袖同台祈禱，各念各經以祈求世界和平，就等於認同同台嘅宗教人士所唸嘅經文同天主教嘅經文，對促進世界和平有相同功效（起碼畀人哋嘅感覺係噉）。設想下：當年如果梅瑟、若蘇厄喺約旦河兩岸起壇獻獻祭俾天主, 但同時又聯合巴郎同伊則貝爾喺隔籬起個壇拜巴耳, 共同為迦南地人民嘅生活幸福而祈禱, 我哋應該點樣理解呢幅圖畫呢？ 又要搞個比喻 即係一個已婚既男人, 係咪唔可以同任何女性朋友交往? 日對, 夜對.....都只對住屋企那個女人? | |
我覺得教宗同其他包括佛教道教伊斯蘭教嘅領袖同台祈禱，各念各經以祈求世界和平，就等於認同同台嘅宗教人士所唸嘅經文同天主教嘅經文，對促進世界和平有相同功效（起碼畀人哋嘅感覺係噉）。設想下：當年如果梅瑟、若蘇厄喺約旦河兩岸起壇獻獻祭俾天主, 但同時又聯合巴郎同伊則貝爾喺隔籬起個壇拜巴耳, 共同為迦南地人民嘅生活幸福而祈禱, 我哋應該點樣理解呢幅圖畫呢？  各人同時間為相同意向祈禱, 唔係等如對對方的神崇拜, 祭獻。 進行祈禱時， 是各自各回到自己預定的房間獨立祈禱， 不是食大圍飯咁。 即使同檯食飯， 都可以各自修行， 何況是不同檯。 | |
逃出魔幻紀 發表於 2019/7/26 15:44 拜巴耳， 是要行邪惡（用活人， 以兒童過火）來拜。 今日的佛， 回， 猶太教， 印度教都是導人向善， 不以行邪來求安。 不應與迦南人拜巴耳相比。 若教宗與拜仔鬼道士， 降頭師， 打小人， 問米媒婆, 東方閃電混在一起才是不安。 導人向善的宗教， 都有上主的影子罷， 是人用了不同方式去找神， 正如上邊習總漫畫比喻， 大家都想描繪神， 有人描繪的接近一點， 有人還差很多。 我信天主教的描繪是最好的。 可參考《梵蒂岡第二屆大公會議文獻》內之 【教會對非基督宗教態度宣言】 http://www.vatican.va/chinese/concilio/vat-ii_nostra-aetate_zh-t.pdf | |
對你的個人信教經歷。本人是不予置評。本人會尊重你的經驗及選擇。我個人就繼續選擇佛教。我的宗教信仰之路 ... 不過， 你早陣子才說過不拜觀音了， 都是天主好。 你既信仰， 係海鮮價， 日日唔同既 （唔記得食藥？） | |
謝謝你的關心。 | |
人有自由意志，思考同選擇亦需要時間沉澱，好正常。祝平安。 | |
你講嘅嘢，有其他教友已經同我講過，我知道天主教喺呢件事上邊嘅基本入場，但係我個人仍然係唔認同。要係聖經上面揾到絕對支持呢件事嘅經文係冇乜可能，但反對呢件事嘅就好好多，包括耶穌同保祿嘅教導，包括要求唔好同佢哋請安，否則就於佢哋嘅罪有分，禍延後代等等。 雖然我目前持呢個觀點，但唔影響我跟隨教會信耶穌，各自體會啦。 | |
你講嘅嘢，有其他教友已經同我講過，我知道天主教喺呢件事上邊嘅基本入場，但係我個人仍然係唔認同。要係聖經上面揾到絕對支持呢件事嘅經文係冇乜可能，但反對呢件事嘅就好好多，包括耶穌同保祿嘅教導，包括要求唔好同佢哋請安，否則就於佢哋嘅罪有分，禍延後代等等。 從你呢帖：『要係聖經上面揾到絕對支持呢件事嘅經文係冇乜可能 』 我睇到有少少阿逼先生既影子。 當然， 亞big 鑽牛角尖鑽得比你深， 去到魔界咁濟。 教會教既野， 例如唔好婚前有性行為， 行房要避孕應用自然避孕法， 不是靠個套暢所欲扑。 呢啲， 又真係在經上點都搵唔到既， 你說該不該跟隨這個方向？ 我辦不到時只怪自己軟弱， 不會說不應是這樣。 要對非基督宗教包容， 是教會的教導， 是一個方向。 個人辦不辦到是自己的選擇囉 | |
我講嘅問題同戴唔戴套不可相提並論，係佢自己心中覺得應該守乜嘢原則性嘅問題，係平安與否嘅問題，而唔係軟弱唔軟弱嘅問題。 亞big係專聖經嘅聖言顛倒黑白嚟講，我係儘量嘗試令自己嘅行為符合聖經，所以亦唔可以將我哋兩個炒埋一碟黎講。 | |
回覆 beebeechan 兩樣都係涉及『經中無提及』的道德倫理問題， 作為基督徒應有甚麼立埸。 正正是『經中無講』， 更加需要由一個『權威』來指導散兵游勇應該怎樣走。 問題是『這個權威』是否隨口說說， 順口開河， 有没有聖神的帶領下作出指導。 | |
呢個話題我覺得唔適宜太深入公開討論，各自領悟就好，否則好易做成惡表或絆倒人，我都係唔講咁多喇，最多俾網主話我側埋一邊唔夠通識教育精神。 | |
回覆 beebeechan 就係因為會有旁邊者先要公開討論。 | |
路上早有唔少會絆倒人既石， 大monster， 辟邪紀實..... 之類哩， 公開討論， 會話俾人知邊到是絆腳石， 小心。 | |
我同佢哋唔同，我信教會有耶穌同聖神臨在，我亦都相信教會內嘅所有人都有可能犯錯，但我堅持同佢哋一齊喺教會嘅平臺尋求天主，如果過程中有分歧，我會求同存異，我用天主畀我嘅智慧去尋求聖神嘅帶領，內心平安與不平安冇得夾硬嚟。呢個亦都係天主所賜嘅自由意志運作嘅效果，所以我好理解其他網友嘅選擇。 |
| < [1] [2] 3 > [4] |
