離教者之家

標準答案彙編

沙文 2007/10/15 18:12
細佬有篇舊作，以乎尚有探討餘地，即本搬來繼續：
如果你未拍拖或拍左拖冇幾耐，你都要準備被問及一D問題。
我有好多朋友都有咁既經驗，佢地轉數唔夠，就會被考起，當場口啞，十分尷尬。
所以，小弟逐步蒐集一下呢d問題，為各位提供標準答案。

但係唔好意思，記憶中，全部都係沙文被問，沙文似乎冇乜試過發問，所以，可能全部都係女仔問男仔，冇男仔問女仔。
當然，各位有咩問題或答案，歡迎提出黎作為教材分享。但係，呢度有一條勸喻式題規：嚴禁使用邏輯表述式。因為，戀愛同大秦景教一樣，係排斥邏輯既。
----------------------------------------------------------------------------------
Q: 點解你會揀我茄？
A. 揀？我係冇得揀既。配得起我既，只有妳。(講既時候一定要望實佢雙眼，講完錫額頭一啖）

Q: 你有幾愛我？
A: (攞一毫子出黎俾佢，吼佢將近流眼淚，再話）：一毫子，唱散左，即係十分丫麻。（如果佢咁唔滿意，就加多一亳子啦！）
抽刀斷水 2007/10/15 20:43
Q. 我同你阿媽跌落海，你會救邊個先？
Q. 工作同我，你揀邊樣？
Q. 做乜打極電話都無人聽／唔通？
Q. 你尋晚去左邊度？
Q. 你對我越來越差，係咪唔再鍾意我？
Q. 你果D豬朋狗友，唔好再見佢地得唔得呀？
Q. 你究竟有無打算娶我？
Step.King 2007/10/15 21:58
等我將老大教我既心法套係抽水既問題度apply 一次啦



Q. 我同你阿媽跌落海，你會救邊個先？
我唔識遊水.....跳埋落海救你冇問題,...但只係影響你地被救既機會  所以我都係揀唔跳.....

Q. 工作同我，你揀邊樣？
為左你既幸福...我每日做多少少野又算得係乜丫?

Q. 做乜打極電話都無人聽／唔通？
因為我成日都想打比你....一打就撞線...我地真係心有靈犀....


Q. 你尋晚去左邊度？
訓教law...我仲夢見你tim  乜你見我唔到咩?  咁你見到邊個?


Q. 你對我越來越差，係咪唔再鍾意我？
得閒耍下花槍係情趣!

Q. 你果D豬朋狗友，唔好再見佢地得唔得呀？
你知依家通街都係靚女架啦...我為左令自己唔好亂諗野, 所以先成日見住佢地ja ...

Q. 你究竟有無打算娶我？
我唔會要我老婆捱架, 所以我要事業有成先至考慮成家立室! 你要相信我, 我一定會成功架~
沙文 2007/10/15 22:23
跌落水果條答得唔好。其實您答边個都冇所謂，精粹在於点樣兜既啫，您的答案令自己太過抽離，再諗過！
Step.King 2007/10/15 22:58
原帖由 沙文 於 2007-10-15 22:23 發表
跌落水果條答得唔好。其實您答边個都冇所謂，精粹在於点樣兜既啫，您的答案令自己太過抽離，再諗過！


經沙文指點  再答

Q. 我同你阿媽跌落海，你會救邊個先？
為人子定當盡孝 所以我會救阿媽先...不過如果你因為咁而離開呢個世界
我會為左你終身不娶.... 十年生死兩茫茫  不思量 自難忘  千里孤墳  無處話凄涼...
dye 2007/10/15 23:13
自殺式（反面教材）

Q. 我同你阿媽跌落海，你會救邊個先？

唔識游水，點救？

Q. 工作同我，你揀邊樣？

不可以揀訓覺？

Q. 做乜打極電話都無人聽／唔通？

除衫果陣順手熄左

Q. 你尋晚去左邊度？

女秘書度做野

Q. 你對我越來越差，係咪唔再鍾意我？

你認為呢？

Q. 你果D豬朋狗友，唔好再見佢地得唔得呀？

唔得，我要佢地挽回我娶左你之後失去左既野。

Q. 你究竟有無打算娶我？

冇
抽刀斷水 2007/10/15 23:23
Q. 我們一起祈禱吧，好嗎？
Q. 點解次次叫親你去教會，你總有藉口既呢？
Q. 我們將來一定要組織基督化家庭，你會為了我而信主吧？
Q. 我一定要在我的教會內舉行婚禮，我先帶你去見見牧師好嗎？
Q. 我想帶個仔去教會，你不是想阻止我吧？
Q. 我地個仔明天就浸禮了，你不是想說沒有空吧？
Q. 為甚麼你不阻止你父母拜偶像？
沙文 2007/10/15 23:34
其實，我都有啲係一直都唔識答嘅，麻煩大家幫手諗諗佢

你講，究竟佢有咩好過我？
(其實我可以答：「佢學歷高過妳」，佢係冇得駁嘅，問題係我講唔講得出口嘅啫。如果我咁講，佢唯一嘅反應只可以係：咁好呀，你返去佢身边啦，我係冇人地咁好，我乜都唔識...........）


你今晚唔好走得唔得？
(我試過話得，但後果並不愉快，有咩兩全其美之法呢？)


我十九歲女就跟住你，点解你到依家先話唔要我？
................................唉.................................................
沙文 2007/10/15 23:42
原帖由 抽刀斷水 於 2007-10-15 07:23 發表
Q. 我們一起祈禱吧，好嗎？
Q. 點解次次叫親你去教會，你總有藉口既呢？
Q. 我們將來一定要組織基督化家庭，你會為了我而信主吧？
Q. 我一定要在我的教會內舉行婚禮，我先帶你去見見牧師好嗎？
Q. 我想帶個仔去教會，你不是想阻止我吧？
Q. 我地個仔明天就浸禮了，你不是想說沒有空吧？
Q. 為甚麼你不阻止你父母拜偶像？
好。一起祈禱冇問題喎
係妳自己話唔想我俾啲姊妹揩油嘛，妳唔記得拿？
為左妳，我心甘命抵詐帝信  ------ 已是沙老大名句啦，你冇理由未听過
好。橫掂我都要老實地話佢知為左妳，我心甘命抵詐帝信
當然不。但係妳唔會唔知，個仔早已成為貴會嫁唔去姊妹接近我的最佳渠道........冇，提下妳啫
妳唔駛呃我啦，妳係顛鼠教咩？
我亞媽同妳係姊妹，抽水唔記得左拿？
dye 2007/10/15 23:43
你今晚唔好走得唔得？

我怕我今晚不走，以後都不想走，最終會一事無成咁只知在你門外守候
Step.King 2007/10/16 00:20
原帖由 抽刀斷水 於 2007-10-15 23:23 發表
Q. 我們一起祈禱吧，好嗎？
Q. 點解次次叫親你去教會，你總有藉口既呢？
Q. 我們將來一定要組織基督化家庭，你會為了我而信主吧？
Q. 我一定要在我的教會內舉行婚禮，我先帶你去見見牧師好嗎？
Q. 我想帶個仔去教會，你不是想阻止我吧？
Q. 我地個仔明天就浸禮了，你不是想說沒有空吧？
Q. 為甚麼你不阻止你父母拜偶像？

...


好彩我冇呢d煩惱...我唔駛識得答...

[ 本帖最後由 Step.King 於 2007-10-16 00:26 編輯 ]
Step.King 2007/10/16 00:26
其實，我都有啲係一直都唔識答嘅，麻煩大家幫手諗諗佢

你講，究竟佢有咩好過我？   
你既缺點就係容許唔到我有多一個老婆...

你今晚唔好走得唔得？
沒有離開的傷感, 就不會有重聚的快樂
我聽晚再離過啦 ~


我十九歲女就跟住你，点解你到依家先話唔要我？
相愛不如相知...你應該知道我最愛係你....只嘆...
aquaticlunar 2007/10/16 14:34
小弟求教

Q.  佢係唔係唔鐘意我喇?

被人問左十幾次
我怕終有一日我會答 "關我差事?!"
dye 2007/10/16 14:44
Q.  佢係唔係唔鐘意我喇?

如果你鐘意他，他不鐘意你，你便會移情別戀嗎？
如果你不鐘意他，那你要知這來做啥？
aquaticlunar 2007/10/16 15:12
哈哈 dye兄你反問我的問題已經包含了我要回答的答案喇

就係未移情別戀所以先要問^^"
龍井樹 2007/10/16 16:36
所有問題都可以用同一答覆：

我知我最近比較忙忽略左你。你要信我，我心裡面只係得你一個。尋晚我一個人響海旁行，一路諗我同你之間既關係‧‧‧最重要既係，我愛你。
dye 2007/10/16 17:01
Q.  佢係唔係唔鐘意我喇?

答：
如果你鐘意他，他不鐘意你，你便會移情別戀嗎？
如果你不鐘意他，那你要知這來做啥？

Q: 就係未移情別戀所以先要問。

答：
既然不會移情別戀，那你要知這來做啥？

返回首頁 | 登錄 | 註冊