關心妍暗窒千嬅 冇義氣 正生被查 籌款打退堂鼓 【明報專訊】關心妍為正生書院學生籌款的一連四場「妍亮生命音樂佈道會」前晚開鑼，正生書院因帳目問題而被廉署調查，早前曾傳出楊千嬅因此而「臨時縮沙」，拒絕擔任演出嘉賓。關心妍證實已邀請吳浩康取代千嬅擔任今晚的演出嘉賓，她更在台上暗窒千嬅沒義氣。 前晚擔任佈道會演出嘉賓的，是曾傳出退演的梁詠琪，關心妍介紹她出場時，突然滿有感慨地說：「在娛樂圈很難認識朋友，不過有些人是有義氣和有愛心！」兩女一見面就擁抱，關心妍大讚GiGi有義氣、有愛心。問到是否暗窒千嬅「臨時縮沙」？關心妍說：「千嬅有致電我說不好意思，她工作撞期了，要做保良局的Show。本來她想改做這晚或翌日的嘉賓，但我已安排了梁詠琪、王祖藍，配合不到。」 聲稱工作撞期 關心妍明白千嬅要做兩個騷很辛苦，所以她邀請了吳浩康擔任尾場嘉賓，並以過來人身分分享重新做人的經歷。問到可有想過邀請衞詩或關楚耀演出？關心妍說：「沒聯絡到，今次為正生籌款，每個人有自己的立場，希望下次有機會。」由於佈道會門票價錢廉宜，關心妍表示4場演出的善款不超過10萬元，她會再將4場騷錄製成唱片推出籌款。至於籌得的善款，她強調會跟進，多會用作正生學生吃自助餐或到主題公園的經費。 梁詠琪：應承了便出席 GiGi表示答應了演出，就沒想過缺席。對於千嬅「臨時縮沙」，GiGi避而不談：「我兩星期前問過，見近期沒什麼事（正生是非），所以來支持，我主要來支持正生學生，他們都很有活力和陽光氣息。」對於善款去向，GiGi認為這段時間講錢較為敏感，而善款應用作購買物資，好讓學生直接受惠。提到被大讚有義氣，GiGi再次避談。 [10 萬蚊可以食幾多餐buffet 同去幾多次主題公園？？]  | |
| |
我估計成件事應該係咁： 關心妍見正生「呻窮」，咪一眶熱血攬上身幫佢地搞籌款concert囉。點知後尾爆出正生原來咁有米又刻薄d學生，佢唔好意思cancel個concert，咪惟有照做，但係d錢唔俾正生，變左俾d學生食左佢算囉。 不過，d學生去多一次or少一次buffet & 主題公園有乜分別？真係要俾錢d學生唔經正生，買textbooks，文具甚至電腦之類都得啫。buffet & 主題公園，個feel 似幫"make a wish foundation"咁，但係呢班o靚仔suppose出黎之後學乖左，大把機會自己資助自己去buffet & 主題公園，你而家俾佢地「不勞而獲的享受」，係幫佢定害佢？ | |
 | |
| |
| |
老友，佢地張poster牛乸咁大隻字寫住「本音樂佈道會一切收益扣除開支後全數捐贈正生書院」wor，咩叫「一開始都係諗住幫學生」？ (hmm...唔知點解之前link 張poster而家唔見左？？) 我姑終覺得請佢地飲飲食食係冇point 囉...係就做d有教育意義野啦 去「挪亞方舟」field trip = 將隻肥羊從狼口救出黎然後再交俾獅子囉... | |
| |
poster:  | |
 |